Чего бы почитать на белорусском языке?

Васіль Быкаў “Знак бяды”.

Сённяшні наш артыкул прысвечаны выдатнаму беларускаму пісьменніку Васілю Быкаву. Гэты пісьменнік – агульна прызнаны во ўсім свеце майстар беларускага літаратурнага слова. Адзін з самых шчырых і праўдзівых пісьменнікаў ХХ стагоддзя. Яго творы адлюстроўваюць прыгажосць і магутнасць нашай роднай беларускай мовы.

Творчасць Васіля Быкава – гэта суцэльны гераізм і мужнасць, сіла і смеласць. У савецкія часы гэты пісьменнік быў небяспечнай фігурай на прасторы беларускай культуры, таму што ў яго творах адлюстроўваўся неафіцыйны погляд на падзеі Вялікай Айчынай вайны. Вайна асэнсоўвалася як перакрыжаванне лесаў (чалавека ці народа), велізарны пытальнік, які патрабаваў тэрміновых адказаў: “Хто ты?”, “З кім ты?”, “Навошта ты жывеш?”.
Быкаў расказвае сённяшняму пакаленню ўсю праўду пра вайну, якой бы страшнай яна не была. У аповесцях гэтага пісьменніка не заўжды можна аддзяліць белае ад чорнага. Пісьменнік бачыць у людзях усю іх рухомую сутнасць, якая можа быць то ахвярным полымем, то голым зверам.

На долю галоўных герояў аповесці “Знак бяды” выпала шмат выпрабаванняў, і калі неставала сіл трываць, яны ў роспачы пыталіся: “За што?” Да таго, як на хутары пачалі гаспадарыць немцы з паліцаямі, адказ хаваўся ў душах – нябачнае, не жаданае дзіця самотных роздумаў і журбы. Пабачыўшы здзекі і смерць, страціўшы пачуцце рэальнасці таго, што адбывалася, яны зазірнулі ў сваё мінулае, каб убачыць вытокі трагедыі…
“Знак бяды”, як уся проза Быкава, - напамін пра тое, што “мёртвым не баліць” – баліць жывым. Сёння не б’юць гарматы, не грымяць выбухі, але памяць аб гэтым страшным часе заўсёды павінна жыць у нашых сэрцах.
Аповесці Васіля Быкава – гэта творы, якія павінна чытаць і яшчэ раз перачытваць кожнаму сумленнаму чалавеку, які лічыць сябе беларусам.

(По страницам журнала “Рюкзак”)

Читать онлайн

Виртуальная книжная выставка (материал из Интернета)