“Багдановіч ART ці нестандартны Багдановіч”: ІТОГІ СЕТКАВАЙ АКЦЫІ Жыццё і творчасць Максіма Багдановіча праз прызму сучаснага мастацтва

130 годзю с дня нараджэння паэта прысвячаецца

«Максім Багдановіч як творца, мысліцель, гісторык... унікальная, фенаменальная з'ява, якая не ўкладваецца ні ў рамкі свайго часу, ні ў рамкі цэлых літаратурных эпох» Алег Лойка, паэт

 

"Нестандартны погляд на стандартныя рэчы"

ПРЭЗЕНТАЦЫЯ ТУТ

Сеткавая акцыя "Багдановіч ART ці нестандартны Багдановіч" арганізавалася на блоге Гарадок імя Чэхава з 6 снежня 2021 года па 6 студзеня 2022 года з мэтай папулярызацыі творчасці классіка беларускай літаратуры.

"Багдановіч ART ці нестандартны Багдановіч":               

    Гэта сучасны мастацкі погляд на класіка беларускай літаратуры, на яго неардынарную асобу і выбітны талент

    Гэта тое, што зможа прыцягнуць увагу і зацікавіць падлеткаў Гэта тое, што можа адрадзіць любоў да роднага слова

    ГЭТА любыя аўтарскія МАЛЮНКІ, ГРАФІЦІ, КАЛАЖЫ, ПЛАКАТЫ, СТЫКЕРЫ, МАНГА, ФАТАГРАФІІ, ГРАФІКА, ІНТЭРАКТЫЎНЫЯ ПАШТОЎКІ, ПЛЕЙКАСТЫ І Г. Д.

Акцыя  праходзіла у фармаце сеткавай акцыі ў рэжыме стварэння прэзентацыі, якую пасля можна выкарыстоўваць  у адукацыйных і асветніцкіх мэтах.

У акцыі прынялі ўдзел 85 чалавек (53 вучня і 32 дарослых) з розных рэгіенаў Рэспублікі Беларусь. Прадстаўнікі Мінскай, Магілеўскай і Брэсцкай вобласці актыўна подтрымалі нашу сеткавую акцыю.

Па традыцыі Мінская вобласць выявіла самую вялікую актыўнасць. Навучэнцы, настаўнікі і бібліятэкары Мінскага, Барысаўскага, Маладзечанскага, Уздзенскага, Слуцкага і Стаўбцоўскага раёнаў прадставілі ў гугл прэзентацыі свае творчыя працы. У ходзе правядзення акцыі была створана адкрытая гугл прэзентацыя на 102 слайды.

Удзельнікі акцыі прадставилі аўтарскія творчыя працы, створаныя пасля прачытання твораў Максіма Багдановіча. Візуальныя АРТ аб'екты з цытатамі з вершаў паэта: малюнкі, ілюстрацыі, калажы, графіці, постэры,  фатаграфіі, графіка, усе віды лічбавай графікі (інтэрактыўныя паштоўкі і плакаты, калажы, відэаролікі, плейкасты).

Удзельнікі акцыі прадстаўлялі відэаролікі чытання паэтычных твораў паэта ці твораў прысвечаных памяці М. Багдановіча ў намінацыі "My love Багдановіч: Чытаем разам "

"ART ГАЛЕРЭЯ Максіма Багдановіча" прадстаўляе нам крэатыўнасць і неардынарнае бачанне творчасці беларускага класіка вачыма сучасных бібліятэкараў Мінскай вобласці. У прэзентацыі шырока прадстаўлены інтэр'еры бібліятэк, аформленыя да юбілею Максіма Багдановіча. Фотаздымкі тэматычных экспазіцый, кніжных выстаў, фотазон радуюць жывой глыбінёй бачання творчасці выдатнага беларускага паэта. Усе гэтыя матэрыялы можна выкарыстоўваць у далейшым для афармлення сваіх бібліятэк.

Адміністрацыя ДУА "Астрашыцка-Гарадоцкая сярэдняя школа" Мінскага раёна ў асобе дырэктара БЕЛЬМАЧ Наталлі Іванаўны, і БЕЛАЯ Алёна Леанідаўна, начальнік аддзела інфармацыйнага забеспячэння бібліятэчнай работы і падрыхтоўкі медыярэсурсаў ДУА " Мінскі абласны інстытут развіцця адукацыі» выказваюць шчырую  падзяку за падтрымку, прасоўванне і рэалізацыю дадзенага сеткавага мерапрыемства ўсім прадстаўнікам навучальных устаноў Рэспублікі Беларусь.

ЭЛЕКТРОННЫЯ ВАРЫЯНТЫ ДЫПЛОМАЎ МОЖНА СПАМПАВАЦЬ ТУТ>>>

Дыпломы удзельнікаў акцыі зроблены згодна рэгістрацыйнай “Анкеты удзльніка акцыі”. Па ўсіх спорных вапросах вялькая просьба звяртацца у лічку ці ў каментарах да поста на блоге “Гарадок імя Чэхава” да мадэратараў акцыі.